Светлана Тихановская. Страница 6
98473
@tsikhanouskaya
Канал пресс-службы Светланы Тихановской.
-
Светлана Тихановская
«Яднайся!» – імпрэза для беларусаў і беларусак у Варшаве. Далучайцеся! Беларусаў і беларусак могуць выжыць з краіны, пасадзіць у турму, але ніхто і ніколі не зможа знішчыць Беларусь і беларушчыну ўнутры кожнага з нас. Гэта тое, што аб'ядноўвае нас з вамі незалежна ад зацікаўленасці ў палітыцы, ад сімпатыяў да Ціханоўскай ці Пазняка, ад выбару паміж песелем ці асменс-кодасам. Усе мы беларусы. І ўсім нам трэба трымацца разам. Таму мы з калегамі з Беларускага Моладзевага Хаба ў Варшаве хочам запрасіць вас у сераду 14 чэрвеня на гасцёўню беларускіх некамерцыйных арганізацыяў «Яднайся!». У Хабе мы пазнаёмім вас з беларускімі грамадзянскімі ініцыятывамі і арганізацыямі, якія змогуць даць адказ на пытанне: што вы можаце рабіць для Беларусі, трацячы на гэта гадзіну, дзве ці пяць на тыдзень. Імпрэза «Яднайся!» пройдзе па адрасе: Варшава, пл. Канстытуцыі 6, Беларускі Моладзевы Хаб. Больш інфармацыі на сайце jadnajsia.org. -
Светлана Тихановская
«Рэжым спрабуе ўзмацніць рэпрэсіі, прыкрываючыся вайной». Святлана Ціханоўская выступіла на канферэнцыі па правах чалавека ў Вене У выступе Ціханоўская адзначыла, што недастатковая рэакцыя свету на сфальсіфікаваныя беларускія выбары і наступствы ад гэтага прывялі да эскалацыі рэпрэсіяў, захопу самалёта, штучнага міграцыйнага крызісу, і ў рэшце рэшт – удзелу рэжыму ў вайне супраць Украіны. Сітуацыя пагаршаецца, нягледзячы на ўсе існыя міжнародныя механізмы, якія аказаліся не эфектыўныя на практыцы. Таксама ў Вене Ціханоўская сустрэлася з Вярхоўным камісарам ААН па правах чалавека Фолькерам Цюркам. Яна распавяла пра сітуацыю з палітвязнямі, многія з якіх знаходзяцца ў крытычнай сітуацыі. Абмеркавалі сітуацыю з беларускімі ўцекачамі, якія сутыкаюцца з шэрагам абмежаванняў. Ціханоўская адзначыла, што трэба падняць пытанне Беларусі на бліжэйшай сустрэчы Рады па правах чалавека ААН, дзе будуць прадстаўленыя дзве справаздачы, звязаныя з Беларуссю: спецдакладчыцы па міграцыі і спецдакладчыцы па правах чалавека. -
Светлана Тихановская
Святлана Ціханоўская – пра падрыў дамбы Кахоўскага вадасховішча: «Расія павінна заплаціць за свае злачынствы ва Украіне» «Расія чарговы раз паказала свету, што стварае пагрозу ўсяму жывому. Гэта наўмыснае знішчэнне грамадзянскай інфраструктуры, з-за якога пакутуюць нявінныя людзі. Гэты і іншыя выпадкі не застануцца без увагі міжнароднай супольнасці. Расія павінна заплаціць за свае злачынствы ва Украіне. І гэтая плата будзе высокай. Шаноўныя ўкраінцы і ўкраінкі, я не магу нават уявіць, што вы цяпер адчуваеце. Я шчыра спачуваю ўсім, хто страціў сваіх блізкіх, свой дом, жывёлаў і маёмасць з-за гэтай жудаснай катастрофы. Маё сэрца з кожным з вас». -
Реклама
-
Светлана Тихановская
Святлана Ціханоўская правяла сустрэчу з прадстаўнікамі Палка Каліноўскага «Вызваліць Беларусь мы можам толькі разам. Нам трэба размаўляць і аб’ядноўвацца. Кожны працуе ў сваім кірунку. Каліноўцы сёння змагаюцца не толькі за Украіну, але і за свабодную Беларусь. Мы падтрымліваем іх працу і ўсіх тых, хто працягвае барацьбу. Я падзякавала добраахвотнікам за іх гераізм. У нас супольная мэта – свабодная, незалежная і дэмакратычная Беларусь», – адзначыла Ціханоўская. -
Светлана Тихановская
Святлана Ціханоўская запрашае беларусаў і беларусак на імпрэзу «Яднайся», якая пройдзе ў Варшаве 14 чэрвеня «Усім нам важна не губляць сувязі адно з адным, не аддаляцца, а наадварот шукаць аднадумцаў і будаваць новыя супольнасці. Нам трэба знаходзіць месцы, дзе беларус беларусу беларус. Разбіваць расчараванне – натхненнем. Знаёміцца з людзьмі, якія ствараюць праекты, ініцыятывы, дзеляцца ідэямі – і далучацца да іх. 14 чэрвеня ў вас будзе такая магчымасць. Мы арганізоўваем адкрытую імпрэзу для беларусаў у Варшаве». Адрас: плошча Канстытуцыі 6, Беларускі Моладзевы Хаб. Больш інфармацыі на сайце jadnajsia.org -
Светлана Тихановская
Святлана Ціханоўская пра вынікі галасавання ў Раду Бяспекі ААН: «Гэта адзнака рэжыму Лукашэнкі міжнароднай супольнасцю – і яна нездавальняючая» «Сёння Генеральная Асамблея ААН сказала рашучае «не» рэжыму Лукашэнкі на выбарах у Раду Бяспекі ААН. Толькі 38 краінаў аддалі яму свае галасы, тым часам як Славенія атрымала пераканаўчыя 153 галасы. Упершыню ад пачатку крызісу пасля выбараў 2020 года ўсе краіны свету маглі выказацца пра сваё стаўленне да незаконнага рэжыму. 153 дзяржавы прагаласавалі супраць дыктатуры і беззаконня ў Беларусі. Гэта адзнака міжнароднай супольнасці таму, як рэжым Лукашэнкі парушае правы чалавека, міжнароднае права, распачынае ўзброеную агрэсію супраць Украіны і размяшчае чужую ядзерную зброю на тэрыторыі нашай краіны. Наступствы гэтых дзеянняў адчуваюць беларусы, нашыя суседзі, у гэтага ёсць шкодны эфект і для глабальных інтарэсаў. Гэта адзнака здольнасці рэжыму Лукашэнкі быць адказным міжнародным партнёрам для іншых краінаў свету – і яна нездавальняючая. Беларусь абавязкова будзе абраная ў Раду Бяспекі ААН – калі мы вызвалім яе ад дыктатуры, няпрошанай ваеннай прысутнасці і залежнасці ад чужых інтарэсаў, і пабудуем дэмакратычную краіну». 
-
Светлана Тихановская
Кіраўнік МЗС Аўстрыі прапанаваў перадаць у Гаагу доказы пра злачынствы рэжыму Лукашэнкі Учора Святлана Ціханоўская сустрэлася з міністрам замежных справаў Аўстрыі Аляксандрам Шаленбергам. Яна перадала справаздачу НАУ пра датычнасць рэжыму Лукашэнкі і прадпрыемстваў, звязаных з Беларуськаліем, да вывазу ўкраінскіх дзяцей з акупаваных тэрыторыяў. Міністр прапанаваў перадаць доказы ў Міжнародны крымінальны суд для правядзення расследавання. Асобна абмеркавалі сітуацыю з размяшчэннем ядзернай зброі ў Беларусі. Ціханоўская адзначыла, што гэта абсалютна недапушчальна, большасць беларусаў разумее, што размяшчэнне зброі незаконнае. І можа прывесці як да поўнай страты незалежнасці, так і да магчымага пераносу ваенных дзеянняў на беларускую тэрыторыю. Гаварылася і пра новы пакет санкцыяў з боку Еўрасаюза. Ціханоўская прапанавала пашырыць санкцыйны спіс суддзямі, пракурорамі, сілавікамі, якія ўдзельнічаюць у рэпрэсіях. 
-
Светлана Тихановская
Падтрымка беларускіх кампаніяў і дапамога ў распрацоўцы рэформаў. Святлана Ціханоўская сустрэлася з прэзідэнтам Аўстрыі Сёння Святлана Ціханоўская пачала працоўны візіт у Аўстрыю, дзе сустрэлася з прэзідэнтам краіны Аляксандрам ван дэр Беленам. Ціханоўская прапанавала Аўстрыі прыняць захады, каб мясцовыя кампаніі спынілі супрацу з рэжымам і падтрымлівалі беларускія кампаніі ў выгнанні. Бакі абмеркавалі падтрымку праваабаронцаў, дапамогу ў падрыхтоўцы спецыялістаў і распрацоўцы рэформаў для новай Беларусі. Таксама гаварылі пра размяшчэнне ядзернай зброі ў Беларусі, узмацненне ціску на палітвязняў, паўзучую акупацыю Беларусі Расіяй. 
-
Светлана Тихановская
Адказнасць рэжыму Лукашэнкі за злачынствы супраць чалавечнасці і міграцыйны крызіс: перспектывы міжнароднага правасуддзя 12 чэрвеня ў Вільні будзе праходзіць міжнародная Канферэнцыя «Адказнасць рэжыму Лукашэнкі за злачынствы супраць чалавечнасці і міграцыйны крызіс: перспектывы міжнароднага правасуддзя», якую арганізоўвае міністэрства юстыцыі Літвы сумесна з Law and Democracy Centre. У канферэнцыі акрамя Святланы Ціханоўскай прымуць удзел прэм'ер-міністарка Літвы Інгрыда Шыманітэ, міністарка юстыцыі Літвы Эвеліна Дабравольска, кіраўнік Law and Democracy Centre Дайнюс Жалімас, а таксама спецдакладчыца ААН па правах чалавека ў Беларусі Анаіс Марын. Дарадца Святланы Ціханоўскай па прававых пытаннях Крысціна Рыхтэр прыме ўдзел у панэльнай дыскусіі з генпракурорамі Літвы і Польшчы. У Канферэнцыі таксама прымуць удзел прадстаўнікі Офіса і Аб'яднанага Пераходнага Кабінета. На Канферэнцыі абмяркуюць: – рэпрэсіўную палітыку рэжыму Лукашэнкі і канкрэтныя прыклады злачынстваў супраць чалавечнасці; – найбольш прыдатныя механізмы для дасягнення міжнароднага правасуддзя, у тым ліку стварэнне спецыяльнага міжнароднага трыбунала; – працяг працы па распачынанні крымінальных справаў у межах універсальнай юрысдыкцыі. 
-
Светлана Тихановская
Светлана Тихановская: «Сегодня появилась информация о том, что в РОВД города Лиды внезапно умер Дмитрий Сорокин. Нам ещё не известны причины того, почему Дмитрий находился в РОВД, но это уже не первый раз, когда силовики задерживают его. Информации о причине смерти 37-летнего Дмитрия пока нет. Трагедия произошла ещё в четверг, 1 июня, а силовики по-прежнему все скрывают и пытаются «замять» очередной произвол. Поэтому я прошу всех, кто знает какую-то информацию о смерти Дмитрия, сообщить ее напрямую родственникам, в независимые СМИ или правозащитникам. Мы должны узнать правду. Я хочу выразить искренние соболезнования родным, близким и друзьям Дмитрия. Прямо сейчас мне бы очень хотелось обнять вас, держитесь». 
-
Светлана Тихановская
Святлана Ціханоўская і Аліна Коўшык <b>узялі ўдзел у днях салідарнасці «Культура ў эміграцыі» ў Кракаве 3-4 чэрвеня праходзілі мерапрыемствы «Культура ў эміграцыі», прысвечаныя падтрымцы і салідарнасці з беларускімі творцамі. Удзел у мерапрыемствах узялі Святлана Ціханоўская, прадстаўніца па нацыянальным адраджэнні Аб'яднанага Пераходнага Кабінета Аліна Коўшык, а таксама Уладзімір Арлоў, Уладзімір Някляеў, Андрэй Хадановіч, Таццяна Нядбай, Ганна Янкута, Марыя Бонет, Віктар Сямашка і іншыя. Святлана Ціханоўская выступіла з прамовай у якой адзначыла, што: «Дзеля таго, каб мы захавалі самі сябе як беларусы, вельмі важна, каб бурлівае і разнастайнае культурнае жыццё нашай дыяспары не заціхала. Свабодная творчасць беларускіх музыкаў, мастакоў, актораў, літаратараў павінна заставацца найлепшым доказам таго, што і ва ўмовах выгнання Беларусь жыве і будзе жыць». Таксама Ціханоўская сустрэлася з беларускімі пісьменнікамі і выдаўцамі, паслухала купальскія спевы і наведала Нацыянальны музей. 
-
Светлана Тихановская
Святлана Ціханоўская запрашае на асабістыя размовы з беларусамі ў панядзелак Вы можаце зарэгістравацца на асабістую размову са Святланай Ціханоўскай па гэтай спасылцы: https://us06web.zoom.us/meeting/register/tZElfu2spz0iE9ZMo4iyom1lcKMq9gO1LL_l Размова пройдзе ў панядзелак, 5 чэрвеня, з 13:00 да 14:00 па Мінску. Пасля рэгістрацыі вы атрымаеце персанальны час для званка, на якім зможаце падзяліцца сваімі ідэямі, задаць пытанне і абмеркаваць сваю праблему. Мы хочам быць упэўненыя, што ўсім, хто зарэгістраваўся, хопіць часу на званок, таму колькасць рэгістрацый абмежаваная. Калі вы не паспееце зарэгістравацца на гэтым тыдні, зможаце зрабіць гэта на наступным. Адзначым, што такія размовы праходзяць кожны тыдзень. У першую чаргу прымаюцца людзі, якія раней не ўдзельнічалі ў размовах. Прачытаць пра тое, што такое асабістыя размовы і як яны праходзяць можна тут. 
-
Светлана Тихановская
Святлана Ціханоўская возьме ўдзел у днях салідарнасці «Культура ў эміграцыі» ў Кракаве 3-4 чэрвеня адбудуцца мерапрыемствы «Культура ў эміграцыі», прысвечаныя падтрымцы і салідарнасці з беларускімі творцамі. Дні салідарнасці будуць праходзіць у кракаўскім Істытуце культуры «Віла Дэц’юша», які падтрымлівае рэпрэсаваных беларускіх дзеячаў культуры. 4 чэрвеня Святлана Ціханоўская выступіць з прамовай на тэму «Перспектывы вольнай Беларусі». Таксама ўдзел у мерапрыемствах возьме прадстаўніца па нацыянальным адраджэнні Аб'яднанага Пераходнага Кабінета Аліна Коўшык. 
-
Светлана Тихановская
Візы для беларусаў і магчымасці рэабілітацыі для добраахвотнікаў: Ціханоўская сустрэлася з міністрам замежных справаў Славакіі Падчас візіту ў Браціславу Святлана Ціханоўская сустрэлася з міністрам замежных справаў Славакіі Міраславам Улахоўскім. Яны абмеркавалі сітуацыю з палітычнымі вязнямі, прыцягненне вінаватых да адказнасці, незаконнае размяшчэнне ядзернай зброі. Ціханоўская адзначыла неабходнасць раздзяляць рэжым і беларусаў. Міністр запэўніў, што Славакія працягне падтрымліваць дэмакратычны рух і выдаваць візы беларусам у Мінску. Міністр звярнуў увагу на тое, што Славакія была адной з ініцыятарак расследавання супраць рэжыму Пуціна ў Міжнародным крымінальным судзе з-за вывазу ўкраінскіх дзяцей. Дамовіліся далучыць да справы і новыя факты па саўдзеле ў гэтым Лукашэнкі, выкладзеныя ў справаздачы НАУ. Таксама палітыкі абмеркавалі магчымасці рэабілітацыі для беларускіх добраахвотнікаў і ветэранаў у Славакіі. 
-
Светлана Тихановская
Светлана Тихановская: «От такой политики государства страдаем не только мы – страдают наши дети» «Родители из Беларуси жалуются на то, во что прямо сейчас превратилось образование в нашей стране. Детские сады, школы и университеты больше не принадлежат детям, пропаганда использует их в своих целях. Идеологи лезут в головы к детям, даже к совсем маленьким. И у них нет задачи научить детей чему-то важному, их цель – привить любовь к армии, войне, насилию и лично Лукашенко. Но у наших детей должно быть настоящее детство. Такое, где они бегают друг за другом во дворах, а не на уроках военруков. Где оружие они если и увидят, то только в компьютерной игре – а не потому что силовики снова принесли показать им автоматы и пистолеты. Где в детских садах они лепят из пластилина или рисуют, а не носят кукол на носилках, имитируя военные действия. Где в школах наши дети учатся на уроках математики или литературы, а не смотрят ролики с пропагандистских каналов». https://youtu.be/HZiWy7K_LSw -
Реклама
-
Светлана Тихановская
«Яднайся!» – імпрэза для беларусаў і беларусак у Варшаве. Далучайцеся! Асабліва пасля 2020 года беларусаў раскідала па ўсім свеце, але ж усе мы хочам бачыць вакол сябе людзей, якія могуць падтрымаць і дапамагчы. І таму дзе б мы ні знаходзіліся, нам важна захоўваць альбо ствараць супольнасці беларусаў. Бо менавіта так у нас будзе магчымасць падтрымліваць адно аднаго і працаваць разам на карысць Беларусі. А каб гэта было яшчэ прасцей мы вырашылі сабраць усіх вас у адным месцы. 14 чэрвеня ў Варшаве адбудзецца адкрытая імпрэза , якую арганізоўваюць Офіс Святланы Ціханоўскай, Аб'яднаны Пераходны Кабінет, Каардынацыйная рада, Беларускі Моладзевы Хаб. Імпрэза «Яднайся!» – гэта такое месца, дзе вы зможаце пазнаёміцца адно з адным і знайсці аднадумцаў. Тут вы зможаце расказаць свае ідэі, даведацца пра праекты і ініцыятывы, а таксама паслухаць беларускую музыку. І канешне падзяліцца сваёй энергіяй, надзеей ці болем адно з адным. Прыходзьце, знаёмцеся, размаўляйце з актывістамі і палітыкамі. Будзем радыя бачыць беларусаў і беларусак! Больш інфармацыі на сайце jadnajsia.org. Калі ў вас ёсць нейкія пытанні – пішыце іх у @AskOffice_Bot. 
-
Светлана Тихановская
Святлана Ціханоўская выступіла на форуме GLOBSEC у Браціславе і правяла сустрэчу з кіраўніком МЗС Паўночнай Македоніі, якая зараз старшынюе ў АБСЕ У сваім выступе на форуме GLOBSEC Ціханоўская заклікала міжнародную супольнасць да рашучасці ў адстойванні дэмакратычных каштоўнасцяў і да падтрымкі Беларусі і Украіны. Паводле яе словаў, вельмі важна рыхтавацца да новага вакна магчымасцяў, калі яно адчыніцца. Міжнародная супольнасць павінна мець стратэгію па Беларусі, каб выцягнуць Беларусь з залежнасці ад Крамля, і дапамагчы дэмакратычным сілам павярнуць краіну да дэмакратыі. Ціханоўская заклікала не пакідаць Беларусь на потым. Таксама яна расказала пра неабходнасць супрацы з буйнымі тэхналагічнымі кампаніямі і адзначыла пазітыўны досвед супрацы з Google, які дапамагае незалежным медыя, а таксама спрыяе выяўленню прапаганды і дэзінфармацыі. Акрамя таго, падчас форуму Святлана Ціханоўская правяла сустрэчу з міністрам замежных справаў Паўночнай Македоніі Буярам Асмані. Гэтая краіна зараз старшынюе ў АБСЕ. Яны абмеркавалі вынікі справаздачы Маскоўскага механізма і наступныя крокі па яго імплементацыі, а таксама супольныя дзеянні краінаў АБСЕ на выпадак розных сцэнароў развіцця крызісу ў Беларусі. Ціханоўская заклікала актывізаваць працу АБСЕ па Беларусі, у тым ліку БДІПЧ у напрамку вызвалення палітвязняў і маніторынгу палітычна матываваных судовых працэсаў. Асобную ўвагу прысвяцілі размяшчэнню ядзернай зброі Расіі і знаходжанню расійскіх войскаў на беларускай тэрыторыі. 
-
Светлана Тихановская
Светлана Тихановская– о государстве, где чиновнику важно подать отчет наверх и защитить себя, а не гражданина и его права Тихановская: «Я прекрасно знаю, сколько усилий прилагают дети, чтобы успешно пройти централизованное тестирование – а с этого года ещё и централизованный экзамен. Это всегда бессонные ночи, это учебники и пособия каждый день, это репетиторы и дополнительные занятия в школах. И вот выпускники столкнулись с сутью системы – РИКЗ даже не смог правильно подсчитать баллы школьников. Кто-то получил 103 балла, кто-то набрал дробное количество, а у большинства просто вычитали 20-25 баллов за 1-2 ошибки. И, несмотря на массовые ошибки в расчетах, министр образования заявил, что «это все фейки». Ничего не напоминает? Снова абсолютно очевидная ошибка, но чиновники не просто не идут навстречу людям, а пытаются убедить, что ошибаются именно люди. Так везде «работает» эта система: считает голоса на выборах, «защищает» беларусов от коронавируса, рисует на бумаге высокие зарплаты. Это происходит потому, что ни одно ведомство не подотчетно обществу. Любому чиновнику важно отправить отчет наверх и защитить себя, а не гражданина и его права. Но родители и дети могут защищать себя. Волна негодования, которая сейчас поднимается, уже заставила выступить даже Лукашенко – наверное, чтобы показать, какие плохие бояре и какой хороший царь. В действительно цивилизованных странах общество так и работает: люди возмущаются ошибкам и отстаивают свои прав, а государство реагирует на ошибки и исправляет их. И во всём этом меня больше всего радует то, какое подрастает у нас замечательное и чудесное поколение. Дети прекрасно понимают, что происходит, и они готовы отстаивать свои права. Они – наша основа будущего Беларуси, где будут уважать закон и защищать права людей». 