Франак Вячорка: «Мы ўжо звязаліся з прадстаўнікамі дыпламатычных місіяў, Еўрапейскіх краінаў, ЗША, а таксама кіраўніцтвам АБСЕ» Дарадца Ціханоўскай Франак Вячорка пракаментаваў сітуацыю з Віктарам Бабарыкам і ціскам на палітзняволеных. Таксама ён расказаў, што робіць Святлана Ціханоўская, Офіс і Аб’яднаны Пераходны Кабінет: «Як толькі мы атрымалі інфармацыю, а трошкі пазней і яе пацвярджэнне, мы пачалі дзейнічаць. Сітуацыя з Віктарам Бабарыкам – гэта не адзіны выпадак. Беларускія палітвязні падвяргаюцца сістэмнаму ціску, псіхалагічнаму, фізічнаму, утрымліваюцца ў нечалавечых умовах. І мы павінны звяртаць увагу міжнароднай супольнасці на гэта кожны дзень. Што мы хочам бачыць ад замежных партнёраў: 1. Выразную пазіцыю з асуджэннем. 2. Патрабаваць атрымаць доступ да Віктара Бабарыкі. 3. Дабівацца магчымасці для міжнародных арганізацыяў наведаць турмы, а таксама гаварыць з палітвязнямі. 4. Патрабаваць спыніць пераслед адвакатаў і забяспечыць палітвязням права на абарону».