​Святлана Ціханоўская: «Можна толькі ўявіць, чаго даб’юцца беларусы, калі ў краіне будуць створаныя спрыяльныя ўмовы для бізнесу» Сёння Святлана Ціханоўская выступіла на другім Беларускім бізнес-форуме ў Вільні. Гэта ўжо чацвёрты форум, які праводзіць Асацыяцыя беларускага бізнесу за мяжой (АВВА) у Вільні ці Варшаве. У сваёй прамове Ціханоўская адзначыла, што беларускія бізнесоўцы могуць стаць каштоўнымі партнёрамі і добрымі падаткаплатнікамі для дэмакратычных краінаў, і заклікала ўрады краінаў працягваць падтрымліваць сумленны беларускі бізнес за мяжой. Ціханоўская: «Існаванне такой асацыяцыі, якая стала калектыўным голасам сумленнага беларускага прыватнага бізнесу, з’яўляецца неверагодна важным. Я зычу вам далейшых поспехаў і спадзяюся, што вы папулярызуеце сваю місію. Я ганаруся беларускім бізнесам. Найперш стварэнне спрыяльных умоваў для пераезду беларускага бізнесу не толькі ратуе жыцці людзей, але і супрацьдзейнічае рэпрэсіям у Беларусі. Таму я заклікаю ўлады іншых краінаў прымаць у сябе беларускіх бізнесоўцаў, наймаць беларусаў у якасці супрацоўнікаў. Таксама я заклікаю міжнародныя арганізацыі і палітычны ўплыў дапамагчы нам у вырашэнні ключавых праблемаў беларускага бізнесу. Тры ключавыя праблемы сёння: 1) рост попыту на візы для пераезду працадаўцаў, супрацоўнікаў і сем'яў; 2) неадпаведнасці пры вядзенні банкаўскіх рахункаў; 3) дрэнны доступ да фінансавання і інвестыцыяў з-за адсутнасці крэдытнай гісторыі. Прыбіранне гэтых праблемаў дазволіць нашым сумленным прадпрымальнікам застацца ў бізнесе і быць гатовымі працягнуць сваю працу ў новай дэмакратычнай Беларусі. Можна толькі ўявіць, чаго яны даб'юцца, калі ў Беларусі будуць створаныя спрыяльныя ўмовы для вядзення бізнесу і знікне страх страціць усё» Уся прамова Святланы Ціханоўскай – на сайце.