Святлана Ціханоўская правяла сустрэчу з міністрам фінансаў Германіі Падчас візіту ў Германію Ціханоўская сустрэлася з міністрам фінансаў Крысціянам Лінднерам. Яны абмеркавалі сумесную стратэгію і каардынацыю дзеянняў паміж Германіяй і Беларуссю, прыватнасці, як працягваць ціск на рэжым і прыцягнуць яго да адказнасці. А таксама як падтрымліваць грамадзянскую супольнасць, людзей, якія змагаюцца ўнутры краіны, і беларускіх добраахвотнікаў. Падчас сустрэчы абмеркавалі павелічэнне падтрымкі для незалежных медыя, а таксама беларускай праграмы DW. Ціханоўская расказала пра сітуацыю з палітвязнямі, пра тое, што іх утрымлiваюць у жудасных умовах і шмат каму неабходнае тэрміновае лячэнне. Таксама Святлана Ціханоўская распавяла пра настроі ў беларускім грамадстве, якое не падтрымлівае ўдзел Беларусі ў вайне. Таму важна адрозніваць беларусаў і рэжым, адрозніваць беларусаў і расіянаў.