Грамадска-адукацыйны праект «Справа Выбару» падрыхтаваў адукацыйны курс на тэму выбараў, дэмакратыі і правоў чалавека Што такое парламенцкая ці прэзідэнцкая рэспубліка? У чым іх плюсы і мінусы? Чым адрозніваецца прапарцыйная сістэма ад мажарытарнай? Мэта гэтага курса – расказаць пра выбары і дэмакратыю простай і зразумелай мовай, патлумачыць базавыя прынцыпы дэмакратыі на падставе тэорыі і прыкладаў з рэальнага жыцця. Кожны з пяці модуляў складаецца з відэа-лекцыі, інтэрв’ю з цікавым суразмоўцам, кейс-стадзі і кароткага квізу, каб праверыць сябе. Па выніках курса вы зможаце прайсці тэст і атрымаць бяспечны і ананімны сертыфікат. Спецыяльны дарадца Святланы Ціханоўскай па выбарах Аляксандр Шлык: «Гэты адукацыйны курс распрацаваны з мэтай проста распавесці пра сур’ёзныя канцэпцыі. Толькі веды дазволяць нам пазбегнуць папулізму і пабудаваць устойлівую дэмакратыю». Курс не патрабуе рэгістрацыі, далучыцца можна праз сайт https://vybar.org.