Міністр замежных справаў Эстоніі Урмас Рэйнсалу ўручыў Святлане Ціханоўскай копію знойдзенага ў архівах дакумента аб прызнанні Радай БНР незалежнасці Эстоніі.
Урачыстая перадача адбылася ў будынку эстонскага МЗС. Сёння зранку Святлана Цiханоўская прыбыла ў Эстонію, дзе правядзе сустрэчы з прэзідэнтам, спікерам парламента, рэктарамі ўніверсітэтаў, а таксама выступіць перад дэпутатамі.
Міністр замежных справаў Эстоніі заявіў, што Эстонія накіруе ў Вільню дыпламатычнага пасланніка, які будзе працаваць з дэмакратычнымі сіламі. Таксама ён пацвердзіў, што Эстонія не прызнае рэжым Лукашэнкі, раздзяляе беларусаў і рэжым, а таксама беларусаў і расійскі народ.
