Прававы статус для беларускіх добраахвотнікаў у складзе УСУ і ВНЖ для беларусаў Украіны: Кавалеўскі абмеркаваў вострыя пытанні з Антонам Герашчанкам
Сёння кіраўнік Кабінета прадстаўнікоў Ціханоўскай Валер Кавалеўскі сустрэўся ў Кіеве з Антонам Герашчанкам, дарадцам Міністра ўнутраных спраў Украіны.
Падчас гутаркі былі ўзнятыя найбольш вострыя пытанні, з якімі сутыкнуліся беларусы з пачатку вайны Расіі – гэта працяг і атрыманне новага часовага віда на жыхарства, а таксама перспектывы атрымання прававога статуса для беларускіх грамадзянаў, якія ў складзе Узброеных сілаў Украіны змагаюцца супраць расійскіх захопнікаў.
Валер Кавалеўскі адзначае, што дасягнута паразуменне аб неабходнасці вырашэння ўзнятых праблемаў і вызначаныя наступныя крокі ў гэтым кірунку.
