Валер Кавалеўскі з камандай паехаў ва Украіну, каб працаваць над пастаянным офісам дэмсілаў у Кіеве У першым відэа Валер Кавалеўскі коратка распавядае пра новы візіт ва Украіну: «Падчас мінулага візіту мяне ўразіла тое, што там вельмі не хапае голасу і прысутнасці беларусаў. Таму зараз мы думаем пра тое, каб арганізаваць наш пастаянны офіс у Кіеве – каб мець пастаянныя камунікацыі з урадам, структурамі, журналістамі, экспертамі і іншымі прадстаўнікамі Украіны. І, безумоўна, каб падтрымліваць беларускую дыяспару, у якой з'явілася шмат праблемаў у іх жыцці пасля пачатку вайны». У другім відэа Святлане Ціханоўскай паказваюць аўтамабілі, якія адправяцца ў Кіеў. У гэтых аўтамабілях – гуманітарны груз для беларускіх добраахвотнікаў, які абараняюць Украіну.