Æрæджы Хъазаны уыдтæн. Æрфысым кодтон чувашаг бинонтæм. Æрыгон ныййарджытæ, дыууæ чызджы сын. Сæ хистæр рæвдауæндонмæ цæуы. Дыууæ дæр бинонты 'хсæн чувашагау æнæкъуылымпыйæ дзурынц. Афтæмæй цæрынц Тæтæры сæйраг сахары, тæтæйраг æвзаг дæр тæссаг уавæры кæм у, уым. Æмæ æндæр адæмы æхсæн дæнцæгæн сæ мадæлон æвзаг бахъахъхъæдтой. Чидæр та йæ æмбæстон адæмы 'хсæн цæргæйæ ариуыгъы йæ къух æвзагон хъомыладыл. Сабиты разæнгард кæнын фæхъæуы æппынæдзух, цæмæй мадæлон æвзагыл дзурой. Уый æнæрынцайгæ ахсджиаг куыст у. Скъолатæн æмæ рæвдауæндæттæн-иу æй иууыл ма бабар кæнут.