29 ліпеня 1939 года саветы "афіцыйна" змянілі назву Менск на Мінск. Гэтае перайменаванне было выкліканае ўзмацненнем рэпрэсіяў супраць беларускіх нацыянальных кадраў і з'явілася замацаваннем расеізацыі на ўзроўні назваў мясцін. 5 верасня 1991 года Менскі гарадскі Савет народных дэпутатаў накіраваў Вярхоўнаму Савету просьбу пра вяртанне беларускай і гістарычнай назвы «Менск», але гэтай просьбе было адмоўлена. Даведка: Менск - беларуская і гістарычная назва, якая была афіцыйна нават пры бальшавіках да 1939 года. Мінск - зрасеізаваны варыянт (Минск), які прыйшоў у расейскую мову з польскай (Mińsk).