Для «палітычных», сілавікоў і чыноўнікаў абмежавалі выезд з Беларусі 16 траўня на Нацыянальным прававым інтэрнет-партале апублікавалі праўкі ў закон «Аб парадку выезду з Рэспублікі Беларусь і ўезду ў Рэспубліку Беларусь грамадзян Рэспублікі Беларусь». Дакумент абмяжоўвае права на выезд з краіны адразу некалькім катэгорыям грамадзянаў. Да іх адносяцца: 🔸Асобы, якія стаяць на прафілактычным уліку ў органах дзяржаўнай бяспекі 🔸Людзі, чый «выезд супярэчыць інтарэсам нацыянальнай бяспекі» 🔸Асобы, у дачыненні да якіх вядзецца адміністрацыйны працэс за правапарушэнні супраць парадку кіравання: непадпарадкаванне патрабаванню міліцыянтаў, парушэнне парадку арганізацыі ці правядзення масавых акцыяў і іншыя. Акрамя таго дакумент абмяжоўвае і выезд за мяжу найвышэйшых чыноўнікаў! Цяпер зрабіць гэта яны змогуць толькі пасля ўзгаднення з Аляксандрам Лукашэнкам. Не гатуй людзям пятлі: сам павесішся 🤷‍♂️ Крыніца 👌 Мая Краіна Беларусь