27 лістапада 1920 года Першы Слуцкі полк Беларускай Народнай Рэспублікі ўступіў у бой з бальшавікамі за незалежнасць Беларусі. Гэтае паўстанне, вядомае таксама як Слуцкі збройны чын было ўзнятае нашымі продкамі, каб чарговы раз заявіць, што беларускі народ не толькі існуе, але таксама хоча жыць у свабоднай Беларусі і быць гаспадаром на сваёй зямлі, у сваёй краіне ды дзяржаве. Прайшло стагоддзе і змаганне працягваецца.