"Мы заклікаем да грамадскага суда над камунізмам, свядомай працы над сваім мінулым, усёахопнага дыскурсу пра савецкую ідэалогію. Мы лічым гэта неабходнымі ўмовамі для таго, каб беларускае грамадства магло рухацца наперад. Мы заяўляем, што суд над камунізмам і яго новай хваляй, лукашызмам, абавязковы для новай Беларусі". - у Вільні сказаў выканаўчы дырэктар Беларускай Рады Культуры Аляксандр Чахоўскі да чарговай гадавіны "Ночы расстраляных паэтаў". З 29 на 30 кастрычніка 1937 года саветы забілі больш за 100 прадстаўнікоў беларускай інтэлігенцыі. І гэта была толькі малая частка ахвяр чырвонага таталітарызму ў нашай краіне і шырэй. Бо як некалі сказаў Васіль Быкаў: "Курапаты – толькі кропля ў моры крыві". Мая краіна Беларусь