🤯 На Гродзеншчыне разбурылі чарговае пахаванне жаўнераў Арміі Краёвай, якія змагаліся з нацыстамі У вёсцы Стрыеўка быў знесены помнік жаўнерам Арміі Краёвай, якія загінулі ў 1943 годзе ў баях з нямецкімі акупантамі. На месца разбурэння прыбыў Генеральны консул у Гродне Анджэй Рачкоўскі. Помнік на магіле салдат Арміі Краёвай быў усталяваны ў 1992. Гэта ўжо пятае вядомае разбурэнне магіл Арміі Краёвай у Гродзенскім рэгіёне. 1 ліпеня СМІ паведамілі пра разбурэнне пахаванняў у Ёдкавічах Бераставіцкага раёна, 4 ліпеня — у Мікулішках Ашмянскага, 8 ліпеня — у Ваўкавыску, 9 ліпеня — у Качычах Карэліцкага раёна. Старшыня Гродзенскага аблвыканкама Уладзімір Каранік, як кіраўнік рэгіёна, сітуацыю не каментуе. Ён наогул запрашае польскіх турыстаў скарыстацца бязвізавым рэжымам і наведаць Гродзеншчыну. Мая краіна Беларусь