🧑🏻‍🦯 Нават пасля 2020-га году прарасійскія ці нейтральныя ў бок Расіі настроі часткі грамадства сведчылі пра тое, што яно знаходзіцца ў "палоне ілюзіяў і мараў, і зусім не разумее, чым ёсць Расея. І што свядомасць, культура, мова, традыцыі, нейкія міфы, стэрэатыпы, яны вельмі моцна ўтрымліваюць беларускае грамадства, перш за ўсё грамадскую свядомасць у гэтых цісках пад уплывам канцэпцыі расейскага свету (...) ускосна яны лічылі, што без Расіі мы не зможам існаваць, памрэм з голаду. То бок маніпулятыўныя практыкі, якія актыўна выкарыстоўваў Лукашэнка яшчэ ў 1990-я гады" ❕ Палітолаг Павал Усаў у етэры "Еўрарадыё" патлумачыў пра неабходнасць геапалітычнага выбару ды як пачатак поўнамаштабнай расійска-украінскай вайны знішчыў абсурдны і нелагічны "дэмакратычна"-прарасійскі наратыў, які неспалучальны з нацыянальна-дэмакратычнымі поглядамі. А таксама паўтарыў відавочную думку, што беларусы павінны думаць пра сябе як пра самадастатковую нацыю. А выбар такі, або з цывілізаваным светам, або з русским миром.