Пакуль у Беларусі праходзіць саветызацыя і яшчэ больш узмацняецца расеізацыя, у латвійскйа сталіцы Рызе прайшло шматтысячнае шэсце "за вызваленне ад савецкай спадчыны". Удзельнікі патрабавалі, каб у Латвіі дэкамунізацыя прайшла да канца і былі знесеныя ўсе савецкія ідэалагічныя помнікі.
На акцыі ішлі людзі з латвійскімі, а таксама ўкраінскімі сцягамі ў знак падтрымкі ўкраінцаў і Украіны ва ўмовах чарговай у гісторыі расійскай агрэсіі. Таксама людзі неслі плакаты "Stop Rashism" ці "На латышскай зямлі – правілы латышоў". Пасля шэсце пачаўся канцэрт.
