ADD IMAGES
The Magas Times(@thetmt). ГIалгIай йоI ЗАРИФАЙНА ХЕТАЯЬ ГIалгIай ноаной, мехкарий, Са хьамсара йижарий! Шун хьинарца атто
ГIалгIай йоI
ЗАРИФАЙНА ХЕТАЯЬ
ГIалгIай ноаной, мехкарий,
Са хьамсара йижарий!
Шун хьинарца атто кхоачаш,
Даьлар мехка лакха сий.
Ший вежарий дагабоахкаш,
Хьалхаяьлар гIалгIай йоI.
Човхабаь, уж лозбар кхераш,
Даьлага кхайкаш дора цо дуI.
Хало, Iазап тIакхачарах,
Йохаргйолаш яц из йоI.
Ший къам бахьан яьлар мехках,
Чуйоал из тIаэлла чIег.
Кхалсаг лаьца, набахта йоллар,
ГIалгIашта чIоагIа хала да.
Бакъда, корта чу ца боллар,
Хов гIалгIачун декхар да.
Нийсхонца лаьтта бахача наха,
Бакъдар мара эшаш дац!
Харцонца оагIо техача наха,
Бакъдар вIалла эшаш дац!
10.12.2019.
Матенаькъан Илез!
Фото: Дарья Корнилова
