200 тысяч еўра сабралі на марафоне салідарнасці з беларускімі палітвязнямі Нагадаем, сёння беларускія незалежныя медыя аб’ядналіся ў 12-гадзінным анлайн-марафоне салідарнасці «Нам не ўсё адно!». Падчас марафону выступаюць беларускія палітыкі, блогеры, журналісты, былыя палітзняволеныя, спартоўцы і другія вядомыя беларусы. Што адбываецца падчас стрыму? – Блогер Андрэй Павук расказаў, як перад ім выбачалася даносчыца. – Баскетбалістка Кацярына Сныціна распавяла, як выбрала заставацца чалавекам, падтрымліваць беларусаў і палітвязняў. – Кіраўнік BYSOL Андрэй Стрыжак заявіў, што эвакуацыя праз фонд абыйдзецца не больш чым у кошт квітка. Анлайн-трансляцыя будзе працаваць да 22:00 па мінскім часе, але данаціць можна да 23:59 нядзелі (30 ліпеня). Дзе зрабіць данат? Свае данаты палітвязням можна даслаць праз сайт salidarnasc.com альбо праз сервіс donate.stripe Якая мінімальная сума ахвяравання? Данаціць можна ад 5 еўра. Збор скончыцца ў нядзелю, 30 ліпеня, а 23:59 па мінскім часе. Ці можна перавесці грошы з беларускай карткі? Калі ласка, не пераводзьце грошы з беларускіх ці расійскіх картак. Гэта можа быць небяспечна. Вы можаце папрасіць падтрымаць збор вашых сяброў, што жывуць за мяжой. @motolkohelp