Мікалая Клімовіча пахаваюць 12 траўня на могілках у Пінску Аб гэтым паведаміла выданне @pozirkonline. Паводле крыніцаў выдання, цела Мікалая прывязуць ў Пінск з Віцебска 11 траўня. На наступны дзень запланаванае развітанне з палітвязнем каля яго дома, а 14 гадзін — пахаванне на могілках "Таргошыцы". Аб смерці палітвязня Мікалая Клімовіча ў ПК-3 стала вядома 7 траўня. На судзе, дзе яго прыгаварылі да 1 году зняволення, палітвязень казаў: «Любое турэмнае знявольванне для мяне — гэта смерць, таму што я павінен быць пад сталым наглядам урача, прымаць вялікую колькасць моцных лекаў. Я магу не вытрымаць нават месяца». Мікалаю Клімовічу быў 61 год.