Дыпламаты рэжыму прызнаюць, што дзеянні Лукашэнкі вядуць да страты незалежнасці Беларусі Прадстаўнік Аб'яднанага Пераходнага Кабінета Беларусі па транзіце ўлады Павел Латушка 3-4 лістапада правёў шэраг міжнародных сустрэч з прадстаўнікамі Германіі, Канады, Літвы, Польшчы і Францыі, галоўнымі мэтамі якіх было: – вяртанне Беларусі ў міжнародны парадак; – недапушчальнасць сыходу Лукашэнкі ад адказнасці за рэпрэсіі і саўдзел у агрэсіі супраць Украіны. У ходзе сустрэчы з намеснікам кіраўніка Бундэстага Катрын Герынг-Экардт абмеркаваны і дасягнуты дамоўленасці: – Бундэстаг выступае за важнасць падтрымкі незалежнасці і суверэнітэту Беларусі; – гатоўнасць актывізаваць у Германіі працу па пытанні ўніверсальнай юрысдыкцыі – крымінальнай адказнасці асоб, вінаватых у гвалце супраць беларусаў; – пашырэнне санкцый і вонкавага ціску на рэжым Лукашэнкі. Падчас сустрэчы ў МЗС Польшчы абмеркавалі: – пашырэнне кантактаў з Аб'яднаным Пераходным Кабінетам Беларусі; – арганізацыю сустрэч у пракуратуры Польшчы па пытаннях універсальнай крымінальнай юрысдыкцыі; – перададзеныя прапановы ў чарговы пакет санкцый супраць рэжыму Лукашэнкі, які будзе разгледжаны ў сярэдзіне лістапада; – Лукашэнку павінен быць вылучаны ўльтыматум аб недапушчэнні размяшчэння тактычнай ядзернай зброі на тэрыторыі Беларусі; – арганізацыю сустрэчы ў Міністэрстве аховы здароўя Польшчы па пытанні легалізацыі беларускіх лекараў, якія вымушана пакінулі Беларусь; – арганізацыю сустрэчы ў Міністэрстве адукацыі Польшчы па пытаннях прызнання беларускіх дыпломаў у Польшчы ў сувязі з скасаваннем па ініцыятыве рэжыму адпаведнага двухбаковага міжурадавага пагаднення. У ходзе сустрэчы з Фрэдэрыкам Пеці, намеснікам старшыні камісіі па пытаннях ЕС Нацыянальнай асамблеі Францыі: – абмеркавалі прадстаўленне Кабінета ў Францыі; – дамовіліся аб правядзенні ў профільнай камісіі Нацасамблеі Францыі слуханняў па сітуацыі ў Беларусі. Падчас сустрэчы з Часовым павераным у справах Канады ў Польшчы і ў Беларусі (па сумяшчальніцтве) Джанэт Сотэнэр абмеркавалі: – прадстаўленне Аб'яднанага Пераходнага Кабінета Беларусі ў Канадзе; – маючы адбыцца візіт кіраўніка Кабінета Святланы Ціханоўскай у Канаду; – пашырэнне персанальных санкцыйных спісаў; – прызнанне КДБ і ГУБАЗіК МУС тэрарыстычнымі арганізацыямі. Канадскі бок вывучыць прававыя магчымасці такога рашэння. Падчас сустрэчы з амбасадарам Літвы ў Польшчы Эдуардасам Барысавасам: – абмеркавана пытанне прыняцця пры падтрымцы Літвы чарговага пакета санкцый супраць прадстаўнікоў рэжыму. На гэтым тыдні запланаваны працяг інтэнсіўных кантактаў Паўла Латушкі з прадстаўнікамі краін Еўрапейскага саюза. Суразмоўцы таксама падчас сустрэч адзначалі беспаспяховыя спробы прадстаўнікоў рэжыму Лукашэнкі ўсталяваць кантакты з Захадам. "Чырвоная лінія" рэжымам пройдзеная, што не дазволіць дыктатару паўтарыць гісторыю "гандлю" з Захадам наўзамен на зняцце санкцый: – рэжыму дадзены выразны сігнал аб жорсткіх наступствах за працяг падтрымкі агрэсіі Расіі супраць Украіны; – дыпламаты рэжыму неафіцыйна прызнаюць у размовах, што рэжым Лукашэнкі вядзе да страты суб'ектнасці Беларусі і яна на вачах страчвае суверэнітэт і незалежнасць, фактычна з'яўляючыся інструментам у гульні і прыдаткам Расіі.