Неабходнасць арганізацыі Кангрэса беларусаў Падчас сустрэчы ў офісе Народнага антыкрызіснага ўпраўлення Павел Латушка і каманда НАУ абмеркавалі са Святланай Ціханоўскай працэдуры арганізацыі шырокага прадстаўнічага Кангрэса беларусаў, у парадак якога важна ўнесці наступныя пытанні: - заснаванне нацыянальна-вызваленчага руху Беларусі; - стварэнне органа нацыянальнай улады як выканаўчай і каардынуючай структуры для забеспячэння транзіту ўлады Беларусі і дзейнасці НВР; - прынцыпы стратэгічнага супрацоўніцтва і падтрымкі Украіны; - еўрапейскі выбар для беларускага народу. Альбо мы дзейнічаем рашуча сёння, альбо заўтра не застанецца таго, за што мы змагаемся.