Аб’яднаны Пераходны Кабінет Беларусі ўзнагароджвае медалём «Гонар і Годнасць» 27 загінулых удзельнікаў беларускіх пратэстаў і беларускіх добраахвотнікаў, якія ваявалі на баку Украіны Гэтай узнагародай Аб’яднаны Пераходны Кабінет Беларусі ўшаноўвае асобаў, якія праявілі выключную адданасць у барацьбе за свабоду, нацыянальныя каштоўнасці, дэмакратыю і правы чалавека, і страцілі ў гэтай барацьбе свае жыцці. Медалі з пасведчаннямі будуць уручаныя блізкім узнагароджаных кіраўніцай Аб’яднанага Пераходнага Кабінета Святланай Ціханоўскай на ўрачыстай цырымоніі. Імёны ўзнагароджаных да пары будуць заставацца таямніцай з меркаванняў бяспекі для іх блізкіх. @CabinetBelarus