Выдавецтва "Янушкевіч" заключыла кантракт са Стывенам Кінгам аб перакладзе яго твораў на беларускую мову Навіну паведаміў у соцсетках выдавец Андрэй Янушкевіч. "Цяпер сусветна вядомы пісьменнік - наш аўтар. Плануем выдаць як яго класічныя творы, так і найноўшыя. Выданне беларускіх перакладаў асабліва важна таму, што аўтар забараніў выдаваць свае творы ў Расіі. Гэта быў ягоны адказ на ўварванне ў Украіну. Першую кнігу плануем выдаць ужо ў гэтым годзе", - напісаў ён. У сакавіку 2022 года, адразу пасля нападу Расіі на Украіну, Стывен Кінг адмовіўся працягваць кантракт на выдавецтва сваіх кніг у Расіі. @dw_belarus