"Давайце не забывацца, за што ўводзіліся санкцыі супраць беларускага калія: за рэпрэсіі супраць працоўных і грамадзянскай супольнасці, выкарыстанне мігрантаў у якасці біялагічнай зброі, захоп самалёта, дапамогу Пуціну ў вайне", - Святлана Ціханоўская крытыкуе магчымае зняцце санкцый з беларускага калію ў абмен на дазвол Мінска на транзіт украінскага збожжа праз яго тэрыторыю. Ціханоўская зазначае, што калій - "крытычна важны рэсурс для выжывання рэжыму. Гэта лёгкія грошы, якія ідуць не на карысць беларусам – а супраць іх, трацяцца на ўтрыманне арміі сілавікоў, спецслужбаў, ваеннай інфраструктуры і вядзенне вайны".