"У бадзёрым настроі, з чырвонай памадай, усміхаецца", — распавядае пра Марыю Калеснікаву яе адвакат Уладзімір Пыльчанка. 9 студзеня яе перавялі з мінскага СІЗА ў гомельскую калонію. Этап цягнуўся менш за суткі. Цяпер Марыя Калеснікава знаходзіцца на 14-дзённым карантыне. Пасля яна пачне працаваць у калоніі. Дзесяць месяцаў Калеснікава правяла ў адзіночнай камеры, цяпер вакол яе ёсць людзі — у атрадзе 5 чалавек. "Атмасфера вельмі станоўчая, нармальная з пункту гледжання Марыі", — так яна апісала свой побыт адвакату. У калоніі Калеснікава плануе атрымаць яшчэ адну вышэйшую адукацыю. Сама Марыя і яе адвакаты працягваюць абскарджваць прысуд — 11 гадоў пазбаўлення волі. https://youtu.be/c4ru-eweFC4