Запрашаем далучыцца ў гэту суботу, 19 верасня, да інтэлектуальнай канферэнцыі для моладзі #TEDxYouth@Minsk.

Гэтым разам яна пройдзе ў анлайн-фармаце на відэасэрвісе VOKA – у вольным доступе для ўсіх ахвотных. Свае ідэі і праекты ў сферы тэхналогій, экалогіі, інклюзіі і культуры прадставяць 10 старшакласнікаў і першакурснікаў з усёй краіны. Удзельнікі выйдуць у знакаміты чырвоны круг з 10-хвіліннай прамовай на роднай мове, якую рыхтуюць разам з ментарамі – прадстаўнікамі беларускай супольнасці TEDxMinsk.

Канферэнцыя TEDxYouth@Minsk з’яўляецца часткай сусветнага руху TEDx у нашай краіне і адбудзецца ў Беларусі ўжо ў другі раз пры падтрымцы праекта «Першыя», які праводзіцца кампаніяй А1.

Не прапусціце! Субота 19 верасня, пачатак а 13-й гадзіне. Каб стаць удзельнікам анлайн-мерапрыемства, неабходна зарэгістравацца (https://docs.google.com/forms/d/e/1FAIpQLSfJfunDxLfietVHgvdGhF646p8Tvg_db9vs94BAeJ7rkicQIw/viewform), а потым перайсці на voka.tv ці ў прыкладанне VOKA з любой кропкі Беларусі і свету.