Блогер робіць беларускамоўныя агляды гульняў. Пагаварылі з ім пра беларускі YouTube «Мы проста маем ствараць беларускую інфапрастору, каб у людзей быў выбар, на якой мове глядзець кантэнт», — кажа відэаблогер Рудзі. Апошнія месяцы ён вядзе беларускамоўны канал пра відэагульні і лічыць, што беларускамоўнага кантэнту павінна быць як мага больш (і не толькі пра палітыку ці саму мову). У справе ёсць цяжкасці: напрыклад, YouTube не разумее, як прасоўваць відэа на беларускай. Логіка такая: тыя, каму яны падабаюцца, глядзяць і рускамоўны кантэнт. Для платформы гэта азначае, што кантэнт на беларускай можна прапанаваць «усім навокал, у тым ліку і расійцам. І яны мне руйнуюць усю статыстыку», — кажа Рудзі. Пра тое, як гэта — рабіць відэа на роднай мове, як палепшыць рэкамендацыі, а таксама падборка каналаў пра гульні на беларускай — па спасылцы.