Агучце твор Купалы ды дапамажыце сабраць моўную базу для стварэння сервісаў накшталт Siri на беларускай У рамках святкавання 140-годдзя з дня нараджэння Янкі Купалы say.by запускае праект: усе жадаючыя могуць запісаць сваім голасам любы твор паэта. А навошта? Стваральнікі ініцыятывы збіраюць моўную базу, каб у будучыні галасавыя памочнікі накшталт Siri ці «Алісы» маглі працаваць па-беларуску. Для гэтага трэба сабраць базу галасоў розных людзей, што дазволіць павысіць распазнаванне. Па словах арганізатараў, творы Купалы яны абралі, «каб было цікавей». За першы тыдзень у марафону паўдзельнічалі 3 000 чалавек. Далучыцца можна па спасылцы. Дарэчы, пажадана, каб голас гучаў натуральна, нібы звычайная размова. Заўважылі Onliner.