За абразу супрацоўнікаў міліцыі з Жабінкі асудзілі жыхара Бабруйска Суд Бабруйскага раёна і горада Бабруйска вынес прысуд па крымінальнай справе Аляксандра Шацілы, абвінавачанага ў абразе прадстаўніка ўлады (арт. 369 КК). Згодна з матэрыяламі справы, мужчына, «маючы намер і жаданне, скіраваныя на публічную абразу старшага ўчастковага інспектара аддзела ўнутраных спраў Пружанскага райвыканкама маёра С. Каляды, а таксама ягонага калегі — лейтэнанта Дзмітрыя Таразевіча, 15 ліпеня 2020 года, у “Аднакласніках” пад публікацыяй з выявамі названых супрацоўнікаў міліцыі ў форменным абмундзіраванні і надпісам “Гэта мы прымянілі ўдушальны прыём супраць мірных грамадзян у Пружанах” размясціў абразлівы і зняважлівы каментар, прынізіў тым самым іх гонар і годнасць». Суддзя Вольга Серакова прызначыла Шацілу пакаранне ў выглядзе 1,5 гадоў «хатняй хіміі». Таксама ён павінен выплаціць кожнаму з пацярпелых міліцыянтаў па 1000 рублёў маральнай кампенсацыі. Падрабязнасці (з Беларусі — праз VPN) 👉 bit.ly/3N1H68k