"Купалаўцы" адкрываюць свабодны доступ да спектакляў на сваім ютуб-канале Акторы ладзяць акцыю ў гонар міжнароднага Дня роднай мовы, які адзначаецца 21 лютага. З 15 па 21 лютага на 👉Youtube-канале "Купалаўцаў" можна будзе паглядзець наступныя спектаклі: Radziva Prudok, "Войцэк" і "Я" Рамана Падалякі, "Запіскі афіцэра Чырвонай Арміі" і "Тутэйшыя" Мікалая Пінігіна. Таксама на канале даступны аўдыяпраект "1984" Джорджа Оруэла і аўтарскі музычны праект "Я гавару" на вершы беларускіх паэтаў.