Матэматыка – 3, руская мова і славеснасць – 5. У маскоўскім архіве знайшлі адзнакі Максіма Багдановіча
Гісторык Ірына Мышкавец знайшла дакументы Яраслаўскай мужчынскай гімназіі, дзе вучыўся Максім Багдановіч, і дзе ў 1911 годзе ён здаваў іспыты, каб атрымаць атэстат сталасці.
Паводзіны ў будучага паэта былі выдатныя, пісьмовыя іспыты ён здаў так: руская мова з царкоўнаславянскай і славеснасць (5), матэматыка (3). Вусныя іспыты: закон Божы (3), руская мова з царкоўнаславянскай і славеснасць (5), лацінская мова (4), матэматыка (3), гісторыя (4), нямецкая мова (3), французская мова (4). Сярэдні бал атэстата Максіма Багдановіча - 3,6666666.
Ёсць у архіве і задачы па геаметрыі і алгебры, якія рашаў Максім Багдановіч на экзаменах.
