Больш чым за год паўнамаштабнай вайны супраць Украіны загінула шмат беларускіх ваяроў. Па ініцыятыве беларусаў Варшавы на пляцоўцы каля Музея Вольнай Беларусі створаны часовы мемарыял у гонар герояў Беларусі. Прыйсці да мемарыяла і ўшанаваць памяць усіх загінуўшых беларускіх ваяроў можна сёння, 19 траўня 2023 года з 17.00. Мемарыял будзе адкрыты да серады, 31 траўня. Спачуванні можна будзе пакінуць у кнізе, якая знаходзіцца ў будынку Музея. Адкрыццё мемарыяла ўзгоднена з Палком Каліноўскага. Прыходзьце ўшанаваць памяць усіх герояў нашай Бацькаўшчыны, якія аддалі сваё жыццё за ідэю свабоднай Беларусі і Украіны. Адрас знаходжання мемарыяла: Музей Вольнай Беларусі, Варшава, Foksal, 11 Уваход на пляцоўку будзе адкрыты штодзённа да 31 траўня з 10.00 да 22.00