«Я хачу патлумачыць, чаму ўводзіць візавыя баны супраць беларусаў – гэта контрпрадуктыўна». Святлана Ціханоўская пачынае візіт у ЗША Нацыянальная лідарка расказала пра свае планы. Святлана Ціханоўская з паплечнікамі правядзе сустрэчы ў Кангрэсе, Дзярждэпартаменце, выступіць на канферэнцыі Кастуся Каліноўскага, дзе патлумачыць, чаму ўводзіць візавыя баны супраць беларусаў – гэта контрпрадуктыўна. 25 сакавіка нацыянальная лідарка разам з беларусамі ЗША адзначыць Дзень Волі. Ля Бостанскай ратушы ўпершыню будзе ўзняты нацыянальны беларускі сцяг.