Аб'яўлены збор сродкаў на пахаванне загінулага ва Украіне ваяра Эдуарда Лобава 34-гадовы беларускі дабраахвотнік загінуў 26 студзеня ў баю з расійскімі акупантамі пад Вугледарам. Бацькам героя патрэбная дапамога – хаваць Эдуарда будуць у Польшчы. Перавоз цела, аплата месца на могілках і іншыя выдаткі дастаткова значныя. Па ўзгадненні з маці Эдуарда Марынай, фонд BYSOL аб'явіў тэрміновы збор. 📍Як вы можаце дапамагчы? Сям'я мае патрэбу ў дапамозе на пахаванне на агульную суму 6000€. — збор на сайце BYSOL (даступны ў РБ праз VPN). — на прыватны рахунак маці Эдуарда. Эдуард Лобаў — былы палітвязень і сустаршыня «Маладога фронту». У 2010 годзе ён быў асуджаны рэжымам на 4 гады па сфабрыкаванай справе, а адразу пасля вызвалення адправіўся добраахвотнікам ва Украіну.