Мінчук набыў у «Акадэмкнізе» размалёўку на беларускай мове i быў шакаваны колькасцю памылак
На фота вы можаце ўбачыць, што знайсці іх можна літаральна на кожнай старонцы. Выпусціла размалёўку гомельскае выдавецтва «Палесдрук» накладам у 5 тысяч экзэмпляраў, паведамляе @citydogby.
Дырэктар «Акадэмкнігі» патлумачыла, што пра памылкі ў кнізе дастаткова паведаміць па тэлефоне, пасля чаго кнігарня будзе абавязаная праверыць усю партыю, зняць яе з продажу і паведаміць выдавецтву пра памылкі.
Яшчэ адно пацверджанне, што лукашыстам пляваць на беларускую мову. Спачатку гісторыя з цэнзарам у калоніі, які адмовіўся прапускаць лісты палітвязняў, бо не ведаў асноўнай дзяржаўнай мовы, потым спроба змяніць транслітарацыю геаграфічных назваў на рускую, а зараз дабраліся і да дзяцей. Размалёўка на трасянцы — іншай беларускай мовы ў іх для вас няма.
