Журналістка БРЦ паспрабавала ўладкавацца настаўнікам у школу. Што было далей? Усё ішло добра і нікога нават моцна не хвалявала, што дзяўчына размаўляе па-беларуску, але як толькі яна казала, што ўдзельнічала ў мітынгах у 2020 годзе, атрымлівала адмову. «Калі вы недзе яшчэ засвеціцеся, то потым будуць да нас пытанні, чаму мы ўзялі і гэтак далей», — заявілі ў адной з школ. Нагадаем, што ў Беларусі толькі паводле афіцыйнай інфармацыі зараз не хапае 2 тысячы настаўнікаў.