🇺🇦 Украіна ў 2022 годзе «выслала» 43 беларусы Ад пачатку 2022 года 43 беларусы ва Украіне атрымалі пастанову з патрабаваннем пакінуць тэрыторыю краіны. Пры гэтым 8 з іх атрымалі забарону на наведванне Украіны. У міграцыйнай службе Украіны адзначылі, што пастанова ўраду, згодна з якой беларусы могуць знаходзіцца на тэрыторыі краіны без рэгістрацыі цягам 180 дзён у год, застаецца сапраўднай да 31 снежня 2022 году. «На сёння абмежаванняў па наданні тэрытарыяльнымі органамі і падраздзяленням Дзяржаўнай міграцыйнай службы адміністрацыйных паслуг грамадзянам Беларусі не існуе. Усе працэдуры легалізацыі застаюцца нязменнымі». Пры гэтым там ня маюць інфармацыі аб тым, колькі грамадзян Беларусі з 24 лютага змаглі працягнуць сваё легальнае знаходжанне ва Украіне. Нагадаем, што апошнім часам беларусы сутыкнуліся з праблемай легальнага знаходжання ва Украіне. Шмат хто гэтую праблему вырашыць не змог і быў вымушаны выехаць з Украіны.