Ціханоўская заявіла дыпламатам у Лондане пра недапушчальнасць вываду калійнага сектара Беларусі з-пад санкцый. Паводле інфармацыі прэс-службы дэмлідара, на сустрэчы было больш за 30 паслоў і прадстаўнікоў дыпмісій ЗША, Канады, ПАР, Гватэмалы, Ямайкі, краін Еўрасаюза ды інш. Асаблівую ўвагу надалі дзеянням міжнароднай супольнасці і Міжнароднай арганізацыі працы, каб МАП прыняла санкцыі супраць рэжыму Лукашэнкі за рэпрэсіі ў дачыненні да рабочага руху. А таксама каб не дапусціць членства рэжыму ў Савеце Бяспекі ААН, куды ён зараз імкнецца трапіць у якасці часовага члена. Дыпламатаў таксама цікавілі сітуацыя ў Беларусі, партызанскія атакі, становішча зняволеных, стасункі Мінска з Пекінам. Напярэдадні ўладальнік тэрмінала сыпкіх грузаў у Клайпедзе BKT Ігар Удавіцкі са спасылкай на ўнутраны дакумент ЕС заявіў, што цяпер абмяркоўваецца пытанне зняцця санкцый з калійнага сектара Беларусі. @RealnaiaBelarus