У польскім урадзе прапануюць заблакаваць усе пераходы з Беларуссю Намеснік міністра культуры і нацыянальнай спадчыны Польшчы Яраслаў Селін заявіў, што варта падумаць аб закрыцці ўсёй мяжы з Беларуссю ў адказ на рэпрэсіі супраць палякаў у гэтай краіне. У адказ на васьмігадовы прысуд актывісту Саюзу палякаў на Беларусі Анджэю Пачобуту Польшча прыпыніла рух на памежным пераходзе ў Баброўніках. Як сказаў Яраслаў Сэлін у 1-й праграме Польскага радыё, гэта балючы крок для Мінску, але поўнае вырашэнне пытання рэпрэсій супраць палякаў адбудзецца пасля падзення рэжыму Лукашэнкі, і толькі пасля падзення маскоўскага рэжыму. Яраслаў Селін падкрэсліў, што тады Польшча зможа пачаць супрацоўніцтва з Беларуссю на нармальных умовах. Ён адзначыў, што ў Беларусі і за яе межамі ёсць палітычныя сілы, гатовыя ўзяць уладу і кіраваць "нармальна, цывілізавана і дэмакратычна". «Мы чакаем гэтага моманту, але, на жаль, пакуль захоўваецца рэжым Лукашэнкі», — дадаў ён. Крыніца: Польскае радыё @RealnaiaBelarus