На выніковай сесіі Верхнядзвінскага Савета дэпутатаў прызналі, што санкцыі працуюць паспяхова Дэпутаты прызналіся, што па выніку 2022-га ў выніку санкцыйнага ціску: ▪️не ўдалося выканаць прагнозныя паказчыкі па прыцягненню інвестыцый у асноўны капітал і ўводу агульнай плошчы жылля; ▪️не дасягнуты ўзровень 2021 года па індэксе прамысловай вытворчасці; ▪️неэфектыўна працуюць ільнозавод, сельскагаспадарчыя прадпрыемствы «Асвейскі» і «Нурава»; ▪️у дачыненні да СП «Боркавічы» скончана працэдура банкруцтва; ▪️з стратамі завяршаюць фінансавы год завод сталярных вырабаў і таварыства «Жамчужына Паазер'я»; ▪️у 2022 годзе прададзена 9 аб'ектаў, якія не выкарыстоўваюцца, для ўключэння іх у гаспадарчы абарот, аднак трэба будзе ўключыць яшчэ больш за 50 аб'ектаў, якія не выкарыстоўваюцца (або неэфектыўна выкарыстоўваюцца); ▪️заблакіравана фінансаванне інфраструктурных праектаў у сферы адукацыі, дарожнай і жыллёва-камунальнай гаспадаркі; ▪️была прыпынена рэканструкцыя моста, з графіка выбілася будаўніцтва шматкватэрнага дома, не рэалізаваны праекты па будаўніцтве станцый абезжалезвання. Вядома, дэпутаты засяродзіліся і на станоўчых момантах: да прыкладу, адзначылі гадавы рост ЗП на 16,7%, але не адзначылі, што гэты рост цалкам праглынула інфляцыя.