Прасковья Адамова күн сириттэн күрэннэ...😔😔😔 Саха Республикатын норуодунай артыыската Прасковья Павловна Адамова-Күн Чүүйэ бэҕэһээ, олунньу 16 күнүгэр, 78 сааһыгар сылдьан күн сириттэн күрэннэ. Прасковья Адамова 1945 сыллаахха, бэс ыйын 9 күнүгэр Мэҥэ Хаҥалас Майатыгар күн сирин көрбүтэ. 1966 сыллаахха Щепкин аатынан Москватааҕы үрдүкү театральнай училищены бүтэрбитэ. Кини оруолларын саха көрөөччүтэ олус биһирээн, умнубакка, өйүгэр-сүрэҕэр куруук иҥэрэн хаалла. Айар үлэтин кэмигэр 100 тахса араас майгылаах дьахталлар оруолларын толорбута. Ол курдук, Күннэйи «Күкүр Ууска”, Наташаны “Иирбит Ньукууска”, Натальяны “Чуумпу Доҥҥа”, Ньургунаны “Сайсарыга” , Валентинаны “Хапсыһыыга” уо.д.а. Алтаннааҕы уонна Майатааҕы тыйаатырдарга режиссер быһыытынан үлэлии сылдьан, отуттан тахса араас айымньыларга олоҕуран туруоруулары көрдөрбүтэ. Прасковья Павловна аймахтарыгар, чугас дьонугар, сүгүрүйээччилэригэр дириҥ кутурҕаммытын тириэрдэбит. @arhiv_nvk_sakha