«АЛҒА ҚАЗАҚСТАН»: НЕ СЕБЕПТІ САЙЛАУ ЗАҢСЫЗ? 20 қараша күнгі президенттік сайлаудың заңсыз өткені айтпаса да белгілі. Бұны тіпті қауіпсіздік мәселелерімен айналысатын әлемдегі ең ірі аймақтық ұйым – ОБСЕ өз есебінде атап көрсетті. Назарбаевтың кезінен бері келе жатқан заңсыз әрекеттер Тоқаевтың кезінде де жалғасуда. Сайлау бәсекесіз өтіп, халықтың дауысы ұрланып, жәшіктерге жалған бюллетеньдер салынды. Заңсыз сайлауға қарсылық білдіріп, митинг өткізбекші болған халықты билік күштеп басып, ал 11, 17 қараша күндері «Алға Қазақстан» партиясын құру жөніндегі ұйымдастыру комитетінің мүшелерін ұстап, 15 тәулікке қамады. Бұл – елде азаматтардың құқығы сақталмайды, өз ойларын ашық білдіруге жол берілмейді деген сөз. Әділет Министрлігі «Алға Қазақстан» партиясын тіркеуден 7 рет бас тартты. Бұл – Тоқаевтың шынайы бәсекелестіктен қорқатынының дәлелі! Бірақ біз, өз дегенімізден қайтпай, партияны тіркеу үшін әрі қарай жұмысымызды жалғастыра береміз!